IL DIALETTO

 

 

 

> Il Dialetto > U me Pàise > E scienze

 

E scienze  -  U tunnu

  

 

 

U tunnu u nu l’è ‘n pésciu ciattu, ma u l’ha u córpu arundìau; u l’è scüu, cua pansa gianca, u l’è cuertu da póche ma grósse résche e u l’ha de mascélle piňe de denti picin e apuntìi.

U pö vésse de duì tipi: u tunnu russu ch’u l’arive anche à trai o quattru méttri de lunghéssa e u tunnu giancu ch’u l’è ‘nmüggiu ciü picin, se va ben u l’arive à ‘n méttru.

 

U tunnu u va deré à tütti i pésci, ma u l’atacche specialmente quélli che vìvan in sciammi cumm’e sardégne, e ainghe, e anciùe e anche séppie e calamarétti; u l’è in pésciu veluce e u vive in prufundité, anche a 1000 méttri.

Versu arvì o mazzu u munte à galla, u l’abanduňe e egue fràide de l’Oceano Atlantico, u passe pau stràitu de Gibilterra e u l’arive inte téppide egue du Mediteragnu pe do e öve vixin ai cóste da Sardegna, da Sisilia, da Grecia e da Tunexìa. Dóppu avài fetu e öve u repigge u vieggiu pe turnò in deré.

 

U tunnu u l’è puntuole inti só spustamenti e u se móve delungu in gruppi nümeruxi e stu fetu u fasìlite a só pésca. I tunni ch’arive intu Mediteragnu végnan peschè cue tunèe, che sun fete da tante risse unde i tunni arèstan imprexunè.

 

Quande u ràixe u védde che ghe n’è tanti pe fò ‘na matansa, ai fan anò inta “camera da morte” unde, de maniman che tìan sciü a rissa, u spassiu u divente delungu ciü picin e alùa se sbattan cun disperasiun fiňa che möan o végnan aciapè cui crócchi dai tunaiólli e îsè in scî vascélli unde cumunque, â fin, möan.

 

Du tunnu tüttu l’è bun, nu se cacce via ninte, l’han delungu ditu i nóstri végi. Infatti du tunnu se mange tüttu. E üniche cóse che se scorte sun e ósse da tésta e a cua, che in tempi ormoi pasè se ütilizòvan cumme cuncimme pâ tera, u vegniva ciamàu “bàgali” e u l’éa ‘nmüggiu sercàu, anche s’u l’éa cou.

 

 

 

 

  

Testi estratti da "DÂ SCÖA... U PÀIZE IN DIRETTA - Scuola elementare Carloforte"  Ed. Grafica del Parteolla

 

 

 

 

 

 

 

Web Site designed and created by R. S.
Hieracon.it - Tutti i diritti riservati.
All rights reserved. Vietata la riproduzione anche parziale.