L’uiza de San Pé a s’atröve squàixi au centru du mò
Mediteragnu, à Lebecci da Sardegna e a l’è separò da st’uiza
ciü grande da ‘n canò de 7 Km.
U teren
L’uiza de San Pé a l’ha ‘na furma strona, a s’asumégge a ‘n
triangulu, a po’ ‘na vàia de borca, in pó strepelò dai luài.
A l’è grande
5023 ettari, ma se pense che tantu tempu fa a
fise inmüggiu ciü grande de cumm’a l’è àua, fóscia primma tütti i uizótti e i scöggi ch’a l’ha daturnu, éan atachè à l’uiza
grande, cumme pulin d’aturnu â cióssa.
U teren u l’è fetu squàixi tüttu de basse culiňe, che
nuiotri ciamémmu cumunque “muntagne” o
“bricchi” in tabarchin,
e da rócche du vurcan.
I punti ciü cianélli s’atrövan au centru de l’uiza, fôa che
u Maciun. I bricchi ciü eti en inta porte à Lebécci. I ciü eti
sun Guardiamói (211 m), Turturizu (209 m), Nasétta (199 m),
Muntagna de Ravenna (192 m), Briccu da guordia (186 m), Briccu
de patélle (176 m), U Béccu (Capo rosso) (173 m), e Buchétte
(171 m), Buruňa (166 m).
