Segundu quant’ha scritu u
Agostino Tagliafico, u primmu
Tabarchin à vegni in sce st’uiza, próppiu chì gh’éa, ste ben à
sentì: cervi, caprioli
e mufloni,
cinghioli e
cuniggi.
Mah!...
Se gh’éan, de següu s’ai han mangé da
ormoi tantu de quéllu
tempu che nu se n’aregórde ciü nisciun.
Gh’è arestàu sulu i cuniggi, e che cuniggi! En delungu ciü picin, mêcö!Vivan inta
maccia sensa dò destürbu à nisciun.
Quande i nóstri végi éan vegnüi, han
aciantàu a vigna e a
l’è steta ‘n’impràiza gróssa. Àivan da fò i cunti nu sulu cû
teren düu e sciütu, ma anche cun tantìscimi
cuniggi da maccia
che ghe destrügiàivan tüttu.
Àua càpite ancun de védde sâtò inta maccia o inte caminée,
ai bórdi da stradda abaliè dai fanè da macchina, quarche
cuétta gianca d’en cunigéttu, ün di ürtimi supravisciüi ai
mautìe, ai farchétti e ai tanti scciöppi.
